அதிதிகள் வரவேற்பு, மங்கள விளக்கேற்றல் மற்றும் இறை வணக்கத்துடன் ஆரம்பமாகிய நிகழ்வில் ஆசியுரை, தலைமையுரை, நயவுரை மற்றும் நூல் அறிமுகவுரை என்பன இடம்பெற்று நூலின் முதன்மைப் பிரதிகள் நூலாசிரியர் உள்ளிட்ட அதிதிகளினால் நூலின் முதன்மைப் பிரதிகளை பெற்றுக்கொள்வதற்காக அழைக்கப்பட்டிருந்த தொழிலதிபர்கள், மருந்தக உரிமையாளர்கள் மற்றும் சமூக செயற்பாட்டாளர்களுக்கு வழங்கி வைக்கப்பட்டது.
இறுதியாக அதிதிகள் உரை மற்றும் நூலாசிரியரின் ஏற்புரையுடனான மகிழ்வுரையுடன் நிகழ்வு இனிதே நிறைவுற்றது.
இந்நிகழ்விற்கு அதிதிகளாக கிழக்கு மாகாண சிரேஸ்ட உதவிக் கணக்காய்வாளர் தலைமையதிபதி பீ. பற்குணன், மட்டக்களப்பு சுகாதார வைத்திய அதிகாரி வைத்தியர் இ. உதயகுமார், மட்டக்களப்பு பிராந்திய சுகாதார சேவைகள் பணிப்பாளர் பணிமனையின் ஓய்வுநிலை வைத்திய அதிகாரி வைத்தியர் ஆர். நவலோஜிதன் மற்றும் மட்டக்களப்பு தனியார் மருந்தகங்களின் உரிமையாளர்கள் சங்கத்தின் தலைவர் எம். சுதாகரன் ஆகியோர் கலந்து கொண்டு சிறப்பித்ததுடன், குறித்த நிகழ்வின் போது மாநகர முதல்வரின் சிறந்த சேவையினைப் பாராட்டி நிகழ்வின் ஏற்பாட்டாளர்களினாலும், பிராந்திய சுகாதார சேவைகள் பணிப்பாளர் பணிமனையின் சார்பிலும் பொன்னாடை போர்த்தி கௌரவிக்கப்பட்டிருந்தமையும் குறிப்பிடத்தக்கது.


