அவுஸ்திரேலியாவுக்கும் ஸிம்பாப்வேக்கும் இடையில் கொழும்பு, ஆர். பிரேமதாச விளையாட்டரங்கில் தற்போது நடைபெற்றுவரும் ஐசிசி ஆடவர் ரி20 உலகக் கிண்ண பி குழு போட்டியில் அவுஸ்திரேலியாவுக்கு 170 ஓட்டங்களை வெற்றி இலக்காக ஸிம்பாப்வே நிர்ணயித்தது.
அப் போட்டியில் முதலில் துடுப்பெடுத்தாட அழைக்கப்பட்ட ஸிம்பாப்வே 20 ஓவர்களில் 2 விக்கெட்களை இழந்து 169 ஓட்டங்களைப் பெற்றது.
முதல் மூன்று விக்கெட்களில் பகிரப்பட்ட அரைச் சதங்களைக் கொண்ட இணைப்பாட்டங்கள் ஸிம்பாப்வே அணியை பலப்படுத்தின.
இந்த மூன்று இணைப்பாட்டங்களிலும் ஆரம்ப வீரர் ப்றயன் பெனெட் முக்கிய பங்காற்றி இருந்தார்.
ப்றயன் பெனெட், தடிவன்ஷே மாருமணி ஆகிய இருவரும் பவர் ப்ளேயில் வேகமாக ஓட்டங்களைக் குவித்து அணியை பலப்படுத்தினர்.
அவர்கள் இருவரும் 61 ஓட்டங்களைப் பகிர்ந்திருந்தபோது தடிவன்ஷே மாருமணி 35 ஓட்டங்களுடன் ஆட்டம் இழந்தார்.
அதன் பின்னர் ப்றயன் பெனெட், ரெயான் பியூரி ஆகிய இருவரும் 2ஆவது விக்கெட்டில் 70 ஓட்டங்களைப் பகிர்ந்தனர்.
மொத்த எண்ணிக்கை 131 ஓட்டங்களாக இருந்தபோது மாக்கஸ் ஸ்டொய்னிஸ் வீசிய பந்தை ரெயான் பியூரி ஓங்கி அடித்தபோது அந்தப் பந்து ஸ்டொய்னிஸில் கையைக் காயப்படுத்தியது.
அணித் தலைவர் சிக்கந்தர் ராஸா 13 பந்துகளில் ஆட்டம் இழக்காமல் 25 ஓட்டங்களைப் பெற்றார்.
அவர்கள் இருவரும் பிரிக்கப்படாத மூன்றாவது விக்கெட்டில் 68 ஓட்டங்களைப் பகிர்ந்தனர்.
கெமரன் க்றீன் 6 ஓட்டங்களுக்கு ஒரு விக்கெட்டையும் மார்க்ஸ் ஸ்டொய்னிஸ் 17 ஓட்டங்களுக்கு ஒரு விக்கெட்டையும் கைப்பற்றினர்.
170 ஓட்டங்களை வெற்றி இலக்காகக் கொண்டு அவுஸ்திரேலியா பதிலுக்கு துடுப்பெடுத்தாடுகிறது.