இணையவழி மோசடி – ஒருவர் கைது!

இணையவழி மோசடி தொடர்பான விசாரணையின் ஒரு பகுதியாக, படுவத்த பகுதியைச் சேர்ந்த 38 வயதுடைய பெண் ஒருவர் கைது செய்யப்பட்டுள்ளதாக பொலிஸார் தெரிவித்துள்ளனர்.

இணையவழி வணிகம் மூலம் பணம் சம்பாதிக்கலாம் என்று கூறி, டெலிகிராம் (Telegram) குழுவின் ஊடாக மக்களை ஒரு திட்டத்தில் இணையுமாறு சந்தேகநபர் தூண்டியதாகக் கூறப்படுகின்றது.

இத்திட்டத்திற்காக பாதிக்கப்பட்டவர்கள் செலுத்திய மொத்தத் தொகையான 5,42,877 ரூபாயில், 66,999 ரூபாய் மோசடி செய்யப்பட்டிருப்பது விசாரணையில் தெரியவந்துள்ளதாக பொலிஸார் தெரிவித்துள்ளனர்.

சந்தேகநபர் நேற்று (18) காலை கைது செய்யப்பட்டுள்ளார். இணையவழி மோசடி தொடர்பாக 2024 பெப்ரவரி 10 அன்று அளிக்கப்பட்ட முறைப்பாட்டின் அடிப்படையில், கணினி குற்றங்கள் விசாரணைப் பிரிவின் (CCID) வடமேல் மாகாணப் பிரிவினர் இவ்வழக்கு தொடர்பான விசாரணையைத் தொடங்கினர்.

இச்சம்பவம் குறித்த மேலதிக விசாரணைகள் நடைபெற்று வருவதாக பொலிஸ்பிரிவு தெரிவித்துள்ளது.