முல்லைத்தீவில் இனப்படுகொலைக்கு நீதிகோரி கையெழுத்து போராட்டம்

செம்மணி உட்பட இலங்கையின் வடக்கு, கிழக்கு மண்ணில் இனங்காணப்பட்ட மனிதப் புதைகுழிகள் மற்றும் நடைபெற்ற தமிழ் இனப்படுகொலைகளுக்கும் நீதியைக் கோருவதற்காக தமிழ்த் தேசியக் கட்சிகள் மற்றும் பொது அமைப்புகளின் ஏற்பாட்டில் கையெழுத்துச் சேகரிக்கும் செயற்பாடு வடக்கு, கிழக்கு மாகாணங்களின் பல பகுதிகளிலும் இடம்பெற்று வருகின்றன.

அந்தவகையில் குறித்த கையெழுத்துச் சேகரிக்கும் செயற்பாடு முல்லைத்தீவு நகரில் இன்று(29) கரைதுறைப்பற்று பிரதேச சபை உறுப்பினர் ஞா. ஜுட்சன் தலைமையில் முன்னெடுக்கப்பட்டது.

இந்நிலையில் இந்தக் கையெழுத்திடும் செயற்பாட்டில் வன்னிமாவட்ட நாடாளுமன்ற உறுப்பினர் துரைராசா ரவிகரன், முன்னாள் வடமாகாண விவசாய அமைச்சர் கந்தையா சிவனேசன், கரைதுறைப்பற்று பிரதேச சபையின் தபிசாளர் சி. லோகேஸ்வரன், முன்னாள் கரைதுறைப்பற்று தபிசாளர் க. விஜிந்தன், மாந்தை கிழக்கு உபதபிசாளர் வரதன், பிரதேச சபை உறுப்பினர்களான அமலன், பவுள்ராஜ், குணம், சமூக செயற்பாட்டாளர்கள், கட்சி உறுப்பினர்கள், பங்குத்தந்தையர்கள் மற்றும் பொதுமக்கள் ஆகியோர் கலந்து கொண்டனர்.

Leave a Reply

Your email address will not be published. Required fields are marked *