சாய்ந்தமருது அல்ஹிலால் வித்தியாலயத்தில் தரம்-01 மாணவர்களின் “ஆரம்பக் கல்விக்கான மகிழ்ச்சிகரமாக ஆரம்பம் செய்யும் வித்தியாரம்ப விழா நேற்று முன்தினம்(29) காலை பாடசாலை கேட்போர் கூடத்தில் நடைபெற்றது.
பாடசாலைக் கல்வி சமூகத்தின் ஏற்பாட்டில், பாடசாலையின் ஜௌபர் தலைமையில் நடைபெற்ற இந்நிகழ்வில், கல்முனை அஷ்ரப் ஞாபகார்த்த வைத்தியசாலையின் மகப்பேற்று மற்றும் பெண்கள் வைத்திய நிபுணர் டொக்டர் றசீன் முஹம்மட் பிரதம அதிதியாகக் கலந்து கொண்டனர்.
பாடசாலை அபிவிருத்திச் சங்கச் செயலாளர் பொறியியலாளர் கமால் நிஷாத், இப்பாடசாலையின் முன்னாள் அதிபர் ‘அதிபர் திலகம்’ நசார், கல்முனை வலயக் கல்வி அலுவலக ஆரம்பக்கல்வி வளவாளர் அன்சார் மற்றும் பாடசாலையின் முன்னாள் அதிபர் மஜீத் ஆகியோர் நிகழ்வில் சிறப்பதிதிகளாகக் கலந்து கொண்டதோடு, ட்ரவுன் ட்ரவல்ஸ் பணிப்பாளர் ஜலீல் மற்றும் சமீம் டெக்ஸ் பணிப்பாளர் சமீம் ஆகியோர் விசேட அழைப்பாளர்களாகவும் கலந்து கொண்டு தரம் 1 மாணவர்களுக்கு உத்தியோகப்பூர்வமாக வித்தியாரம்பம் செய்து வைத்தமையும் குறிப்பிடத்தக்கது.

