மண்ணெண்ணெய் கடத்த முயன்ற லொறி மக்களால் மடக்கிப் பிடிப்பு

கிதுல்கலை எரிபொருள் நிரப்பு நிலையத்திலிருந்து சுமார் 4,000 லீற்றர் மண்ணெண்ணெயை, எவ்வித சட்டபூர்வ அனுமதிப்பத்திரமும் இன்றி 4 தாங்கிகளில் ஏற்றிக்கொண்டு கேகாலை நோக்கிச் செல்ல முற்பட்ட லொறியை பிரதேசவாசிகள் மடக்கிப் பிடித்துள்ளனர்.

கடந்த (05) ஆம் திகதி அதிகாலை வேளையில், எரிபொருள் நிரப்பு நிலையத்தில் சந்தேகத்திற்கிடமான முறையில் லொறியில் மண்ணெண்ணெய் நிரப்பப்படுவதைக் கண்ட பிரதேசவாசிகள், உடனடியாகச் செயல்பட்டு லொறியை மடக்கிப் பிடித்ததுடன் கிதுல்கலை பொலிஸாருக்கும் தகவல் வழங்கியுள்ளனர்.

சம்பவ இடத்திற்கு வந்த பொலிஸார் லொறியுடன், அதன் சாரதி மற்றும் உதவியாளரைக் கைது செய்தனர். பின்னர் அவர்கள் பொலிஸ் பிணையில் விடுவிக்கப்பட்டனர்.

கிதுல்கலை பொலிஸாரின் தகவல்படி, கைப்பற்றப்பட்ட 4,000 லீற்றர் மண்ணெண்ணெய் மற்றும் சந்தேகநபர்கள் இருவரும் இன்று(12) ருவன்வெல்ல நீதவான் நீதிமன்றத்தில் ஆஜர்ப்படுத்தப்பட உள்ளனர்.

Leave a Reply

Your email address will not be published. Required fields are marked *