சம்மாந்துறையில் விவசாய நடவடிக்கையில் ஈடுபட்டு வந்தவர் திடீர் மரணம்

அம்பாறை மாவட்டம் சம்மாந்துறை பொலிஸ் பிரிவுக்குட்பட்ட மல்வத்தை பகுதியில் விவசாய நடவடிக்கையில் ஈடுபட்டு வந்த சம்மாந்துறை மல் ஆறாம் வீதியைச் சேர்ந்த 60 வயது மதிக்கத்தக்க அப்துல் மஜீத் எனும் நபர் நேற்று (07) உயிரிழந்திருந்தார்.

மல்வத்தை புதுக்காடு பகுதியில் உள்ள காணியில் விவசாயம் செய்து வந்த நிலையில் இயற்கை உரம்(கோழி எரு) இடுவதற்கு அங்கு சென்ற நிலையில் விவசாயிக்கு திடீரென நெஞ்சு வலி ஏற்பட்டுள்ளது.

இதனை தொடர்ந்து சம்மாந்துறை ஆதார வைத்தியசாலைக்கு சிகிச்சைக்காக அழைத்து சென்ற அவர் வழியிலேயே மரணமடைந்திருந்தார்.

குறித்த நபர், இருதய நோயினால் பாதிக்கப்பட்டு கடந்த காலங்களில் சிகிச்சை பெற்று வந்தவர் என தெரிவிக்கப்படுகின்றது.

குறித்த மரணம் தொடர்பில் சம்மாந்துறை பதில் நீதிமன்ற நீதிவானின் உத்தரவிற்கமைய திடீர் மரண விசாரணை அதிகாரி ஏ.எச். அல் ஜவாஹீர் முன்னெடுத்ததுடன் மாரடைப்பு காரணமாக ஏற்பட்ட தாக்கத்தினால் மரணம் சம்பவித்துள்ளதாக குறிப்பிட்டு சடலம் உறவினர்களிடம் ஒப்படைக்கப்பட்டுள்ளது.

Leave a Reply

Your email address will not be published. Required fields are marked *