கொத்துக்குளம் ஸ்ரீ முத்துமாரியம்மன் ஆலயத்தில் தைப்பூசத்தை முன்னிட்டு விசேட வழிபாடுகள்

கிழக்கிலங்கையின் வரலாற்றுச் சிறப்புமிக்க மட்டக்களப்பு கொத்துக்குளம் ஸ்ரீ முத்துமாரியம்மன் ஆலயத்தில் இன்று(01) தைப்பூசத்தை முன்னிட்டு விசேட வழிபாடுகள் இடம்பெற்றன.
ஆலய குரு சிவஸ்ரீ பாலகிருஷ்ணன் தலைமையில் இடம்பெற்ற வழிபாட்டில் முத்துமாரியம்மனுக்கு விசேட அபிஷேகம் இடம்பெற்றதைத் தொடர்ந்து தைப்பூச வழிபாடுகள் ஆலயத்தில் பக்திப்பூர்வமாக இடம்பெற்றன.
வழிபாடுகளில் விவசாயிகள் மற்றும் பொதுமக்கள் எனப்பலரும் கலந்து கொண்டனர்.
தைப்பூச நிகழ்வில் கலந்து கொண்டு, நெற்கதிர்களை தங்களது வழிபாட்டறைகளில் வைத்து இவ் வருடம் முழுவதும் அன்னலட்சுமி குறைவில்லாமல் கிடைக்க வேண்டி வழிபடுவது வழமை.
அதனை முன்னிட்டு ஆலய நிர்வாகத்தினால், பூஜைகளின் பின்னர் ஆலயத்திற்கு அருகிலுள்ள வயற்காணியில் புதிர் அறுவடை நிகழ்வு ஆலயக்குருக்கள் தலைமையில் இடம்பெற்றமை குறிப்பிடதக்கது.

Leave a Reply

Your email address will not be published. Required fields are marked *