யேமனில் ஹௌதிக்களின் கட்டுப்பாட்டிலுள்ள தலைநகர் சனாவுக்கு மேற்கே அமைந்துள்ள எண்ணெய் சேமிப்புக் கிடங்குகள் மற்றும் எரிபொருள் நிலையங்களைக் குறிவைத்து சவூதி தலைமையிலான கூட்டுப்படையினர் தீவிர வான்வழித் தாக்குதல்களை நடத்தியுள்ளனர்.
குறித்த பகுதிகளில் இருந்து பொதுமக்கள் உடனடியாக வெளியேறுமாறு கூட்டுப்படையினர் எச்சரிக்கை விடுத்திருந்த நிலையில், சில மணி நேரங்களுக்குப் பின்னர் அப்பகுதிகளில் பலத்த வெடிப்புச் சத்தங்களுடன் தாக்குதல்கள் நடத்தப்பட்டதாக உள்ளூர் தகவல்கள் தெரிவிக்கின்றன.
எனினும், தாக்குதலுக்கு உள்ளான எரிபொருள் சேமிப்புக் கிடங்குகளில் எரிபொருள் இருப்புகள் எதுவும் வைக்கப்படவில்லை என யேமன் எண்ணெய் நிறுவனம் தெரிவித்துள்ளது.
இதனால், பொதுமக்களுக்கான எரிபொருள் விநியோகத்தில் பாதிப்பு ஏற்படவில்லை என்றும் அந்த நிறுவனம் விளக்கமளித்துள்ளது.