14வது பாப்பரசரான லியோவுக்கு நுரையீரல் புற்றுநோய் இருப்பது கண்டறியப்பட்டு சத்திரசிகிச்சை மூலம் வெற்றிகரமாக அகற்றப்பட்டுள்ளதாக வத்திக்கான் அறிவித்துள்ளது.
அவரது வலது நுரையீரலின் கீழ் பகுதியிலேயே புற்றுநோய் ஏற்பட்டிருந்த நிலையில் இவ்வாறு வெற்றிகரமாக அகற்றப்பட்டுள்ளதாக வத்திக்கான் வௌியிட்டுள்ள அறிக்கையில் தெரிவிக்கப்பட்டுள்ளது.
71 வயதான அவருக்கு, இன்று ரோமிலுள்ள ஜெமெல்லி வைத்தியசாலையில் 90 நிமிடங்களுக்கு அதிக காலம் இந்த சத்திரசிகிச்சை மேற்கொள்ளப்பட்டுள்ளது.
அதன்பிறகு அவருக்கு நுரையீரல் அடினோகார்சினோமா (lung adenocarcinoma) இருப்பது உறுதி செய்யப்பட்டது.
எவ்வித சிக்கல்களும் ஏற்படவில்லை என வத்திக்கான் தெரிவித்துள்ளது. மேலும், சிகிச்சைக்குப் பிறகு பாப்பரசர் இயல்பு நிலைக்குத் திரும்பியதுடன், குறுகிய நேர கண்காணிப்புக்குப் பின்னர் தனது அறைக்குத் திரும்பினார் என்றும் அதில் குறிப்பிடப்பட்டுள்ளது.
வழமையான பரிசோதனைகளின் போதே இந்த நுரையீரல் கட்டி முதன்முதலில் கண்டறியப்பட்டது.
இந்நிலையில் பாப்பரசர் சுமார் ஒரு வாரம் வைத்தியசாலையில் தங்கியிருப்பார் என எதிர்பார்க்கப்படுகிறது.
இதனிடையே வைத்தியசாலையின் வெளியே பெருந்திரளான மக்கள் பல மணி நேரம் அவருக்காக காத்திருந்ததாக சர்வதேச ஊடகங்கள் தெரிவிக்கின்றன.