மலையக ரயில் சேவைகளில் தொடரும் சிக்கல்!

கடிகமுவ ரயில் நிலையம் அருகில் உள்ள மண் திட்டிலிருந்து இன்று (17) அதிகாலை மீண்டும் பெருமளவு மண் ரயில் பாதை மீது சரிந்து விழுந்துள்ளது.

இதன்காரணமாக பொல்கஹவெலவிலிருந்து கம்பளை நோக்கி இயக்கப்படும் ரயிலும், கம்பளையிலிருந்து கொழும்பு கோட்டை நோக்கி இயக்கப்படும் ரயிலும் தமது பயணங்களை ஆரம்பிப்பதில் தாமதமாகும் என ரயில்வே வட்டாரங்கள் தெரிவித்துள்ளன.

குறித்த பகுதியில் பெருமளவிலான மண் அகற்றப்பட்ட போதிலும், ரயில் பாதையில் விழுந்த மண்ணை அகற்றும் பணிகள் தற்போதும் தொடர்ச்சியாக முன்னெடுக்கப்பட்டு வருகின்றன.