ஓட்டமாவடி – ஹுதா பள்ளிவாயல் குறுக்கு வீதியை கொங்கிறீட் வீதியாக மாற்றும் நிகழ்வு

கிழக்கு மாகாண சபைக்கூடான பன்முகப்படுத்தப்பட்ட நிதியிலிருந்து கிராம அபிவிருத்திச் சங்கத்தினூடாக ஹுதா பள்ளி குறுக்கு வீதிக்கான கொங்றீட்டுடனான வடிகான் அமைக்கும் ஆரம்ப நிகழ்வு கோறளைப்பற்று மேற்கு பிரதேச செயலாளர் தாஹிர் தலைமையில் கடந்த வியாழக் கிழமை இடம்பெற்றது.
1.5 மில்லியன் ரூபாய்கள் செலவில் 60மீற்றர்கள் நீளமுள்ள வீதிக்கான குறித்த ஆரம்ப நிகழ்வில் தேசிய மக்கள் சக்தியின் மட்டக்களப்பு மாவட்ட பாராளுமன்ற உறுப்பினரும் மாவட்ட பிரதேச செயலகங்களின் ஒருங்கிணைப்புக் குழுத் தவிசாளருமான கந்தசாமி பிரபு பிரதம அதிதியாக கலந்து கொண்டார்.
மேலும் குறித்த நிகழ்வில் ஓட்டமாவடி பிரதேச சபை தவிசாளர் பைறூஸ், கோறளைப்பற்று மேற்கு திட்டமிடல் பணிப்பாளர் எஸ்.ஏ.எம்.றியாஸ், ஆளுநரின் இணைப்புச் செயலாளர் அப்துல்லாஹ் மற்றும் பிரதேச சபை உறுப்பினர்கள் ஆகியோர் கலந்து கொண்டனர்.

Leave a Reply

Your email address will not be published. Required fields are marked *