மல்வானை பிரதேசத்தில் அமைந்துள்ள நான்கு மாடி வீடொன்றில் இருந்து சுமார் 7 கோடி ரூபா பெறுமதியான, பீடி சுருட்டுவதற்குப் பயன்படுத்தப்படும் 9,100 கிலோ கிராம் தெண்டு இலைகளை மதுவரி திணைக்களத்தின் விசேட நடவடிக்கை சோதனைப் பிரிவு அதிகாரிகள் கைப்பற்றியுள்ளனர்.
நேற்று (07) மதுவரி விசேட நடவடிக்கை பிரிவுக்குக் கிடைத்த புலனாய்வுத் தகவலுக்கு அமைய இந்தச் சோதனை நடவடிக்கை மேற்கொள்ளப்பட்டுள்ளது.
வீட்டின் உரிமையாளர் நீண்டகாலமாக பீடி வியாபாரத்தில் ஈடுபட்டு வந்தபோதிலும், அவரிடம் தெண்டு இலைகளைச் சேமித்து வைப்பதற்கான அனுமதிப்பத்திரம் இருக்கவில்லை எனத் தெரியவந்துள்ளது.