வவுனியா – முல்லைத்தீவிற்கிடையிலான இபோச பஸ் பிரச்சனைக்குத் தீர்வு

வவுனியா புதிய பஸ் நிலையத்திலிருந்து முல்லைத்தீவு நோக்கி காலை 6.30 மணிக்கு பயணிக்கும் வவுனியா வீதிக்கு சொந்தமான இபோச பஸ்ஸின் அளவு சிறியதாக உள்ளதால் பயணிகள் பெரும் அசெளகரியங்களுக்கு உள்ளாகின்றனர் என வவுனியா மாநகரசபையின் துணை முதல்வர் பரமேஸ்வரன் கார்த்தீபனுக்கு பொதுமக்களால் முறைப்பாடு கிடைக்கப்பெற்றிருந்தது.

இதனை கருத்தில் கொண்ட துணை முதல்வர் வவுனியா வீதி முகாமையாளருடன் கலந்துரையாடிய போது இன்று(30) முதல் பயணிகளின் வசதிக்கேற்ப பஸ்ஸொன்றை வழங்குவதாக தெரிவித்திருந்தார்.

இதனை தொடர்ந்து இன்று காலை 6.30 மணிக்கு வவுனியா புதிய பஸ் நிலையத்திலிருந்து முல்லைத்தீவு நோக்கி பயணத்தை ஆரம்பித்திருந்தது.

இதன்போது வவுனியா இபோச வீதி முகாமையாளர் எம். வை. எம் ரலீம் மற்றும் துணை முதல்வர் பரமேஸ்வரன் கார்த்தீபன் கலந்து கொண்டிருந்ததுடன் பயணிக்களால் கெளரவிப்பு ஒன்றும் இடம்பெற்றது.

Leave a Reply

Your email address will not be published. Required fields are marked *