மட்டக்களப்பில் இளம் தொழில் முயற்சியாளர்களுக்கான பயிற்சி நெறியும் வழிகாட்டலும்

மட்டக்களப்பில் இளம் தொழில் முயற்சியாளர்களுக்கான பயிற்சி நெறியும் வழிகாட்டல் நிகழ்வும் மாவட்ட  அரசாங்க அதிபர் திருமதி ஜஸ்டினா முரளிதரன் தலைமையில்  மேலதிக அரசாங்க அதிபர் திருமதி. சுதர்ஷினி ஸ்ரீகாந்த் மேற்பார்வையின் கீழ் சிறு தொழில் முயற்சி அபிவிருத்திப் பிரிவின் மேற்பார்வை உத்தியோகத்தர் ரீ. நிலோஷனின் ஏற்பாட்டில் பழைய மாவட்ட செயலக மாநாட்டு மண்டபத்தில் இன்று(30) இடம்பெற்றது.

ஆர்வமுள்ள சிறு தொழில் முயற்சியாளர்களின் தொழில் முயற்சியைக் கட்டி எழுப்பும் நோக்குடன் மட்டக்களப்பு மாவட்டத்தில் தொடர்ச்சியாக பல வேலைத்திட்டங்கள் முன்னெடுக்கப்பட்டு வருகின்றது.

இதன் ஒரு கட்டமாக மட்டக்களப்பு மாவட்டத்தின் 14 பிரதேச செயலகப் பிரிவுகளில் உள்ள  சுய தொழில் முயற்சியாளர்களின் திறனை விருத்தி செய்யும் நோக்குடன் இப் பயிற்சி நெறி இடம்பெற்றன.

இந் நிகழ்வின் வளவாளராக இருதயநாதன் தர்ஷனாவினால் “நெயில் எக்ஸ்டென்சன்” தொடர்பான நுணுக்கங்கள் மற்றும் செயல் முறை தொடர்பான விளக்கங்களும் வழங்கப்பட்டன.

இந் நிகழ்வில் சிறு தொழில் அபிவிருத்தி உத்தியோகத்தர்களான திருமதி. ரீ. சுகந்தனா மற்றும் திருமதி. எஸ். தர்சினி ஆகியோர் கலந்து கொண்டனர்.

Leave a Reply

Your email address will not be published. Required fields are marked *