பூநகரியில் இடம்பெற்ற விபத்தில் படுகாயம் அடைந்த ஆண் உயிரிழப்பு

நேற்று(30) பூநகரியில் இடம்பெற்ற விபத்தில் படுகாயம் அடைந்த ஆணொருவர் உயிரிழந்துள்ளார்.

பூநகரியில் விபத்தில் படுகாயமடைந்த நிலையில் மேலதிக சிகிச்சைக்காக கொழும்பு தேசிய வைத்தியசாலைக்கு கொண்டு செல்லப்படும் போது ஆபத்தான கட்டத்தை அடைந்த போது மாரவில வைத்தியசாலையில் அனுமதிக்கப்பட்ட நிலையில் அவர் உ.யிரிழந்துள்ளார்.

யாழ்ப்பாணம் மிருசுவில் பகுதியைச் சேர்ந்த 27 வயதுடையவரே இவ்வாறு விபத்தில் உயிரிழந்துள்ளார்

பூநகரி மன்னார் வீதியின் பூநகரி தம்பிராய் பகுதியில் இடம்பெற்ற விபத்தில் இரண்டு சிறுமிகள் உட்பட ஐந்து பேர் படுகாயமடைந்தனர்.

பூநகரி தம்பிராய் பகுதியில் மோட்டார் சைக்கிளிலில் பயணித்த தாயும் மகளும் வீதியை கடக்க முற்பட்ட போது யாழ்ப்பாணத்திலிருந்து மன்னார் நோக்கி சென்று கொண்டிருந்த ஹயஸ் வாகனம் அந்த விபத்தை தவிர்ப்பதற்கு சாரதி ஹயஸ் வாகனத்தை வீதியின் மற்றத் திசைக்கு திருப்பிய போது எதிரே வந்த மோட்டார் சைக்கிளுடன் மோதியதில் மோட்டார் சைக்கிள் தீப்பற்றி எரிந்தது.

மோட்டார் சைக்கிள் பற்றிய தீயில் ஹயஸ் வாகனமும் தீப்பற்றியது.

மோட்டார் சைக்கிளில் மூன்று பேர் பயணித்த நிலையில் எரி காயங்களுடன் படுகாயங்களுக்குள்ளான நிலையில் கிளிநொச்சி மாவட்ட பொது வைத்தியசாலையில் அனுமதிக்கப்பட்டுள்ளனர்.

ஆரம்பத்தில் மோட்டார் சைக்கிளில் கடக்க முற்பட்ட தாயும் மகளும் வைத்தியசாலையில் அனுமதிக்கப்பட்டுள்ளனர்.

இரண்டு சிறுமிகள் இரண்டு பெண்கள் ஒரு ஆண் உட்பட ஐந்து பேர் பூநகரி பிரதேச வைத்தியசாலைக்கு கொண்டு செல்லப்பட்டு மேலதிக சிகிச்சைக்காக கிளிநொச்சி மாவட்ட வைத்தியசாலையில் அனுமதிக்கப்பட்டுள்ளனர்.

இவ் விபத்து தொடர்பாக பூநகரி பொலிஸார் விசாரணைகளை மேற்கொண்டு வருகின்றனர்.

ஹயஸ் வாகனத்தின் சாரதி பொலிஸாரினால் கைது செய்யப்பட்டுள்ளமையும் குறிப்பிடத்தக்கது.

Leave a Reply

Your email address will not be published. Required fields are marked *