அநுர அரசின் செயல்பாடு ஹிட்லரின் பாணியில் உள்ளதாக ரணில் விக்ரமசிங்க குற்றச்சாட்டு

தேசிய மக்கள் சக்தியின் தலைவர் அநுர குமார திஸாநாயக்க தலைமையிலான அரசு, ஹிட்லரின் போக்கை ஒத்த நடவடிக்கைகளில் ஈடுபடுகிறது என்று ஐக்கிய தேசியக் கட்சியின் தலைவரும் முன்னாள் ஜனாதிபதியுமான ரணில் விக்ரமசிங்க கடுமையாகச் சாடியுள்ளார்.

ஐக்கிய தேசியக் கட்சி உறுப்பினர்கள் மற்றும் பிற கட்சிப் பிரதிநிதிகளுடன் நடந்த கலந்துரையாடலின்போது ரணில் விக்ரமசிங்க இந்தக் குற்றச்சாட்டை முன்வைத்துள்ளார்.

ரணில் விக்ரமசிங்க, அநுர அரசின் நடவடிக்கைகளை 1933-ஆம் ஆண்டு ஜெர்மனியில் அடால்ஃப் ஹிட்லர் அதிகாரத்தைக் கைப்பற்றிய பாணியுடன் ஒப்பிட்டார்.

ஹிட்லர் அதிகாரத்துக்கு வந்தபோது, அவருக்கு 50% ஆதரவு இருக்கவில்லை; அவரது கட்சிக்கு 44% வாக்குகளே கிடைத்தன. அதிகாரத்தைத் தக்கவைக்கவே அவர் எதிர்க்கட்சிகளை அழித்தார், அவர்களின் அலுவலகங்களையும் இல்லாதொழித்தார்.

இலங்கையில், ஜனாதிபதி அநுர குமார திஸாநாயக்கவுக்கும் 44% வாக்குகளே உள்ளன. மக்கள் மத்தியில் எதிர்க்கட்சிகளின் செல்வாக்கு அதிகரிப்பதைத் தடுக்கவே, அநுர அரசு கைது நடவடிக்கைகளை தொடங்கியுள்ளது.

“குறைந்த ஆதரவுடன் ஆட்சிக்கு வந்த ஹிட்லர் தனது அதிகாரத்தைத் தக்கவைக்க எதிர்க்கட்சிகளை ஒழித்தது போலவே, தேசிய மக்கள் சக்தியும் அதே வழியில் எதிர்க்கட்சிகளை ஒடுக்குகிறது,” என்று அவர் குறிப்பிட்டார்

Leave a Reply

Your email address will not be published. Required fields are marked *