யாழில் மணல் ஏற்றிச் சென்ற டிப்பர் வாகனம் கைப்பற்றல்; சாரதி கைது

மணல் கொண்டு செல்வதற்காக வழங்கப்பட்ட அனுமதியின் நிபந்தனைகளை மீறி மணல் ஏற்றிச் சென்ற டிப்பர் வாகனத்தினை யாழ்ப்பாணம் பொலிஸார் மடக்கிப் பிடித்து சாரதியைக் கைது செய்துள்ளனர்.

அரசடி வீதி ஊடாக மணல் மண்ணுடன் சென்ற டிப்பர் வாகனம் ஒன்றினைப் பொலிஸார் மடக்கி சோதனை செய்த வேளை, அனுமதிப்பத்திர நிபந்தனையை மீறி வாகனத்தில் மணலை ஏற்றிச் செல்வதனைப் பொலிஸார் கண்டறிந்தனர்.

அதனை அடுத்து, சாரதியைக் கைது செய்த பொலிஸார், டிப்பர் வாகனத்தையும் மணலுடன் மீட்டு பொலிஸ் நிலையம் கொண்டு சென்றனர்.

கைது செய்யப்பட்ட நபரை விசாரணைகளின் பின்னர் நீதிமன்றில் முற்படுத்த பொலிஸார் நடவடிக்கை எடுத்துள்ளனர்.

Leave a Reply

Your email address will not be published. Required fields are marked *