மாணவர்களுக்கான பொது போக்குவரத்து சேவைகளுக்கான மானியம் வழங்கும் திட்டம்

பாடசாலை மாணவர்களுக்கான பொது போக்குவரத்து சேவைகளுக்கான மானியம் வழங்கும் திட்டம் தொடர்பிலான கலந்துரையாடல் இடம்பெற்றது.

மேற்படி நிகழ்வில் அகில இலங்கை ரீதியில் பாடசாலை மாணவர்களுக்கான பொது போக்குவரத்து திட்டம் தொடர்பான விழிப்புணர்வு மற்றும் ஒழுங்கு நடவடிக்கை தொடர்பாக கலந்துரையாடப்பட்டது.

இந் நிகழ்வானது தேசிய போக்குவரத்து ஆணைக்குழு தலைவர் தலைமையில் இடம்பெற்றது. மேலும் இந் நிகழ்வில் பாராளுமன்ற உறுப்பினர்கள் ஜெகதீஸ்வரன் மற்றும் அடைக்கலநாதன், மன்னார் மாவட்ட செயலாளர், வட மாகாண வீதிகள் போக்குவரத்து அதிகாரசபை தலைவர், பிரதேச செயலாளர்கள், உதவி மாவட்ட செயலாளர், மாந்தை மேற்கு மற்றும் நானாட்டான் பிரதேச சபை தவிசாளர்கள், போக்குவரத்து ஆணைக்குழு செயலாளர் மற்றும் அலுவலர்கள், கல்வி பணிப்பாளர்கள், அரச மற்றும் தனியார் போக்குவரத்து நிறுவனங்களின் தலைவர்கள், உறுப்பினர்கள் மற்றும் விடைகள் தொடர்பான அலுவலர்கள் என பலரும் கலந்துகொண்டனர்.

குறிப்பாக பாடசாலை மாணவர்களுக்கான கல்வி நடவடிக்கைகளுக்கு தேவையான போக்குவரத்து இடையூறு ஏற்படுத்தும் காரணிகள் மற்றும் தீர்வுகள் தொடர்பாகவும், பொது போக்குவரத்து கால அட்டவணை மற்றும் கொடுப்பனவுகள் தொடர்பான விசேட கவனம் செலுத்தப்பட்டது.

Leave a Reply

Your email address will not be published. Required fields are marked *