மட்டக்களப்பில் அரச உத்தியோகத்தர்களுக்கான இரண்டாம் மொழி பயிற்சி நெறி ஆரம்பம்

மட்டக்களப்பு மாவட்டத்தின் அரச உத்தியோகத்தர்களுக்கான சிங்கள பயிற்சி நெறியின் ஆரம்ப நிகழ்வானது உதவி மாவட்ட செயலாளர் ஜீ பிரணவனின் மேற்பார்வையில்  பழைய மாவட்ட செயலக வளாகத்தில் உள்ள கிழக்கு மாகாண மொழிகள் மத்திய நிலையத்தில் இன்று(17) இடம்பெற்றது.

அரச கரும மொழிகள் திணைக்களத்தினால் இரண்டாம் மொழி பயிற்சி நெறி  நாடளாவிய ரீதியில் நடைபெற்று வருகின்றன.

உத்தியோகத்தர்களின் இரண்டாம்  மொழியாற்றலை அதிகரிப்பதுடன் அலுவலக கடமையில் ஈடுபடும் போது தொடர்பாடலை மேம்படுத்துவதாக இக் கற்கை நெறி அமையவுள்ளது.

150 மணித்தியாலங்களை உள்ளடக்கிய இக்கற்கை நெறியை  அரச திணைக்களங்களில் கடமையாற்றும் உத்தியோகத்தர்கள் ஆர்வமாக கற்றல் நடவடிக்கையில் ஈடுபட்டனர்.

இக் கற்கையின் அரச கரும மொழிகள் திணைக்களத்தின் வளவாளராக பி. ராஜேஸ் மேற்கொண்டார்.

இந்த நிகழ்விற்கு  அரச கரும மொழிகள் திணைக்கள இரண்டாம்மொழி கற்கையின் இணைப்பாளர் வி. சந்திரகுமார், திருமதி ஆர். சுபாசினி மற்றும் மு. ஷாருகாசன் ஆகியோர் கலந்து கொண்டர்.

Leave a Reply

Your email address will not be published. Required fields are marked *