மட்டக்களப்பில் விசேட தேவைக்குரியவர்களுக்கான சக்கர நாற்காலிகள் வழங்கி வைப்பு

விசேட தேவையுடையவர்களுக்கான சக்கர நாற்காலிகளை வழங்கும் நிகழ்வு மட்டக்களப்பு மாவட்ட அரசாங்க அதிபர் திருமதி ஜஸ்டினா முரளிதரன் தலைமையில் உதவி மாவட்ட செயலாளர் ஜீ. பிரணவனின் மேற்பார்வையின் கீழ் மாவட்ட சமூகசேவை உத்தியோகத்தர் திருமதி ச. கோணேஸ்வரனின் ஏற்பாட்டில் இன்று(23) புதிய மாவட்ட செயலக வளாகத்தில் இடம்பெற்றது.

அரசாங்க அதிபரின் கோரிக்கைக்கு அமைவாக எம். ஜே. எப் நிறுவனம், கனேடிய நிதி உதவியுடன் பாரி அறக்கட்டளையினர் உள்ளிட்டோரின் அனுசரணையுடன் மாவட்டத்தில் விசேட தேவைக்குரியவர்களுக்கான உபகரணங்கள் வழங்கி வைக்கப்பட்டன.

மாவட்டத்தில் 8959 விசேட தேவைக்குரிய நபர்கள் காணப்படுவதுடன் இவர்களில் 5 வயது முதல் 35 வயதிற்குற்பட்ட பல்வேறு வகையான அங்கவீனமுற்றவர்களாக 2691 நபர்கள் காணப்படுகின்றனர்.

மேலும் மாவட்ட அரசாங்க அதிபர் விசேட தேவைக்குரிய மாணவர்களின் கற்றல் நடவடிக்கையை மேம்படுத்துவதற்கு பல்வேறு செயற்றிட்டங்களை மேற்கொண்டு வருகின்றமையும் குறிப்பிடத்தக்கது.

இந் நிகழ்வில் எம்.ஜே.எப் நிறுவன நிகழ்சி திட்ட இணைப்பாளர் திருமதி சபிக்கா மற்றும் மாவட்ட செயலக உத்தியோகத்தர்கள் ஆகியோர் கலந்து கொண்டனர்.

Leave a Reply

Your email address will not be published. Required fields are marked *