மாவட்டத்தில் நிலவும் மனித – யானை மோதலை தவிர்ப்பதற்கான உபாயமுறைகள் குறித்து முகாமைத்துவ குழுவில் இதன்போது கலந்துரையாடப்பட்டது.
மேலும் மனித – யானை மோதல்கள் உள்ள பகுதிகளில் புதிய யானை வேலிகளை அமைத்தல், காவல் அரண்களை அமைத்தல், ஒருங்கிணைந்து நடமாடும் ரோந்துகளை மேற்கொள்ளுதல், இரவு நேர கண்காணிப்பு மற்றும் வன பரிபாலண நிலையங்களை அமைத்தல் போன்ற பல விடயங்கள் தொடர்பாக கலந்துரையாடப்பட்டது.
மாவட்டத்தில் 206.34 கிலோ மீற்றர் வேலிகள் காணப்டுவதுடன் எதிர்வரும் காலங்களில் மாவட்டத்தில் 96 கிலோ மீற்றர் வேலிகள் அமைப்பதற்கான முன்மொழிகள் மேற்கொள்ளப்பட்டமையும் குறிப்பிடத்தக்கது.
2020 / 2025 வரையான காலப்பகுதியில் மாவட்டத்தில் மனித – யானை மோதலினால் 63 மரணங்கள் இடம்பெற்றுள்ளதுடன் 89 யானைகள் இறந்துள்ளன.
இந் நிகழ்வில் பிரதேச செயலாளர்கள், கிழக்கு பிராந்திய வனஜீவராசிகள் உதவி பணிப்பாளர் பிரசன்ன விமலதாச, உயர் அதிகாரிகள் மற்றும் விவசாய அமைப்புக்களின் பிரதிநிதிகள் ஆகியோர் கலந்து கொண்டனர்.


