பெரும்போக செய்கைக்கான உரம் வழங்கல் தொடர்பான கலந்துரையாடல்

மட்டக்களப்பு மாவட்ட செயலகத்தில் பெரும்போக செய்கைக்கான உரம் வழங்கல் தொடர்பான கலந்துரையாடலானது மாவட்ட அரசாங்க அதிபர் ஜே. எஸ். அருள்ராஜ் தலைமையில் விவசாய அமைச்சின் தேசிய உரசெயலக மாவட்ட பணிப்பாளர் கே.எல்.எம் சிராஜூன் எற்பாட்டில் புதிய மாவட்ட செயலகத்தில் நேற்று(15) இடம் பெற்றது.

விவசாய மாவட்டமான மட்டக்களப்பில் பெரும் போக செய்கை நடவடிக்கைகள் மேற்கொள்ளப்பட்டு வரும் நிலையில் மாவட்டத்திற்கு தேவையான யூரியா 15054.74 மெற்றிக்தொன் ரிஎஸ்பி 3394 மெற்றிக்தொன் எம்ஓபி 4138.17 மெற்றிக்தொன்களைப் பெற்றுக்கொள்வதற்கு தனியார் உரக் கம்பனியினருடன் கலந்துரையாடல் மேற்கொள்ளப்பட்டன.

இதன் போது கருத்துத் தெரிவித்த அரசாங்க அதிபர் விவசாயிகளுக்கு உரம் தடைப்படாது வழங்குவதற்குத் தேவையான நடவடிக்கைகளை துரிதமாக மேற்கொள்ளுமாறு அதிகாரிகளுக்கு பணிப்புரை விடுத்தார்.

இந் நிகழ்வில் மேலதிக அரசாங்க அதிபர் திருமதி சுதர்ஷினி ஸ்ரீகாந்த், மாவட்ட விவசாய பணிப்பாளர் எம்.எப்.ஏ.சனிர், கமநல சேவைகள் திணைக்கள பிரதி ஆணையாளர் ஜேகன்நாத், விவசாய அமைச்சினால் நியமிக்கப்பட்ட மாவட்ட பிரதிநிதி கிருஸ்ணகோபால் திலகநாதன், விவசாய அமைப்புத் தலைவர்கள், தனியார் உரக் கம்பனிப் பிரதிநிதிகள் மற்றும் உயர் அதிகாரிகள் எனப்பலரும் கலந்து கொண்டனர்.

இதன் போது மாவட்டத்தில் செயற்கையாக உரப்பற்றாக்குறை ஏற்படுவதை தடுப்பதற்குத் தேவையான உயர் மட்டக் கலந்துரையாடல் இடம்பெற்றமை குறிப்பிடத்தக்கதாகும்.

Leave a Reply

Your email address will not be published. Required fields are marked *