நாவிதன்வெளி பிரதேச சபையின் கன்னி வரவு செலவுத் திட்டம் நிறைவேற்றம்

நாவிதன்வெளி பிரதேச சபையின் 2026 ஆம் ஆண்டுக்கான கன்னி வரவு செலவுத் திட்டம் இன்று(11) நிறைவேறியது.
நாவிதன்வெளி பிரதேச சபை தவிசாளர் இந்திரன் ரூபசாந்தன் தலைமையில் மாதாந்தக் கூட்டம் பிரதேச சபை சபா மண்டபத்தில் இன்று நடைபெற்றபோதே மேலதிக 08 வாக்குகளால் நிதியறிக்கை வெற்றி பெற்றது.ஷ
முன்னதாக, அண்மைய பேரிடரில் உயிர்நீத்த உறவுகளுக்கு இரண்டு நிமிடம் நினைவஞ்சலியும் இதன்போது செலுத்தப்பட்டது.
அடுத்த வருடத்திற்கான இந்த வரவு செலவுத்திட்டத்திற்கு 08 உறுப்பினர்கள் ஆதரவு தெரிவித்திருந்தார்கள். இலங்கை தமிழரசுக் கட்சி உறுப்பினர்களான கோபாலசிங்கம் உதயகுமார், தெய்வேந்திரன் கிருபாகரன், சித்திர குமார், கமலேஸ்வரன், ஸ்ரீ லங்கா முஸ்லிம் காங்கிரஸ் உறுப்பினர் எம்.பி. நிவாஸ், அகில இலங்கை மக்கள் காங்கிரஸ் உறுப்பினர் அப்துல் லத்தீப், சுயேட்சைக் குழு உறுப்பினரும் உதவி தவிசாளருமாகிய புவனரூபன் மற்றும் உறுப்பினர் யொணிபஸ் யூஜின் ஆகியோர் ஆதரவாக வாக்களித்தனர்.
சுயேட்சைக் குழு உறுப்பினர்களான நளீர், சௌதியா ஆகியோர் இந்த பாதீட்டில் முஸ்லிம் பிரதேசங்கள் வெகுவாக புறக்கணிக்கப்பட்டமையை சுட்டிக்காட்டி எதிர்த்து வாக்களித்தனர். தேசிய மக்கள் சக்தியின் உறுப்பினர் குஞ்சரமூர்த்தி நிரோஜன் நடுநிலை வகித்தமை குறிப்பிடத்தக்கது.
இச்சமயம் சபையின் 12 உறுப்பினர்கள் கலந்து கொண்டிருந்தார்கள். சுயேட்சைக் குழு உறுப்பினரும் முன்னாள் தவிசாளருமான அமரதாஸ ஆனந்த சபையில் பிரசன்னமாகவில்லை என்பது குறிப்பிடத்தக்கது.
அதன்படி தவிசாளர் இந்திரன் ரூபசாந்தன் தலைமையிலான முதலாவது வரவு செலவுத் திட்டம் பெரும்பான்மை ஆதரவுடன் நிறைவேறியுள்ளது.

Leave a Reply

Your email address will not be published. Required fields are marked *