ஆசிய விளையாட்டுப் போட்டிகளில் நேற்று(27) நடைபெற்ற தடகளப் போட்டிகளில் இந்திய வீராங்கனை ஆன்சி சோஜன் மற்றும் வீரர் சர்வேஷ் குஷாரே இருவரும் தலா ஒரு வெள்ளிப் பதக்கத்தை கைப்பற்றினர்.
ஆண்கள் உயர தாண்டுதல் (High Jump) பிரிவில் பங்கேற்ற சர்வேஷ் குஷாரே 2.25 மீட்டர் உயரம் தாண்டி இரண்டாம் இடத்தைப் பிடித்தார்.
இதேபோல், பெண்கள் நீளம் தாண்டுதல் (Long Jump) பிரிவில் போட்டியிட்ட ஆன்சி சோஜன் தனது ஐந்தாவது முயற்சியில் 6.53 மீட்டர் தூரம் தாண்டி வெள்ளிப் பதக்கத்தை பெற்றார்.
சர்வேஷ் குஷாரே 2.25 மீட்டர் உயரத்தை வெற்றிகரமாகத் கடந்தாலும், சீன தைப்பே வீராங்கனை முதல் முயற்சியிலேயே அதைக் கடந்ததன் அடிப்படையில் ‘கவுண்ட்பேக்’ (Countback) விதிப்படி அவருக்குத் தங்கமும், சர்வேஷூக்கு வெள்ளியும் வழங்கப்பட்டது.
இருப்பினும், ஆசிய விளையாட்டுப் போட்டிகளின் உயர தாண்டுதல் வரலாற்றில் இந்தியாவின் நீண்ட கால பதக்க எதிர்பார்ப்பை நிறைவேற்றும் வகையில் இந்தச் சாதனை அமைந்துள்ளது.
பெண்கள் நீளம் தாண்டுதல் (Long Jump) பிரிவில் போட்டியிட்ட சீனாவின் ஹுவாங் யிங்யிங் தனது இறுதி முயற்சியில் 6.55 மீட்டர் தாண்டி தங்கப் பதிகத்தைத் தட்டிச் சென்றார். இதனால் ஆன்சி சோஜன் வெறும் 2 சென்றி மீட்டர் வித்தியாசத்தில் தங்கத்தை இழந்து வெள்ளிப் பதக்கத்தைப் பெற்றார்.
அன்றைய தினம் இந்த இரண்டு வெள்ளிப் பதக்கங்கள் உட்பட, டேஜாஸ்வின் சங்கர் மற்றும் ஹரிதா பத்ரா ஆகியோரின் வெண்கலப் பதக்கங்களையும் சேர்த்து இந்தியா மொத்தம் ஐந்து பதக்கங்களை வெற்றிகரமாகக் குவித்தது.